Wo Kamaale Husne Huzoor Hai (Tazmeen)

Gule Quds Ki Wo Bahaar Hai
Ke Jise Kabhi Bhi Khizaan Nahi
Wo Mahe Arab Ki Hai Raushni
Jahan Zulmaton Ka Gumaan Nahi
Be Hijaab Dekhe Unhe Koi
Ye Kisi Me Taabo Tawa Nahi
Wo Kamaale Husne Huzoor Hai
Ke Gumaane Naqs Jahan Nahi
Yehi Phool Khwaar Se Door Hai
Ye Sham'a Hai Ke Dhuwaan Nahi.

Jo Tere Sukhan Me Hai Chaashni
Ba Khuda Kisi Ke Yahan Nahi
Kahe Ghair Bhi Ke Tere Sukhan
Me Ghalat Ka Naamo Nishaan Nahi
Aye Nabi Tera Ye Kalaam Hai
Jo Sama'aton Pe Giraan Nahi
Mai Nisaar Tere Kalaam Par
Mili Yoon To Kisko Zubaan Nahi
Wo Sukhan Hai Jisme Sukhan Na Ho
Wo Bayaan Hai Jiska Bayaan Nahi.

Bhala Kisme Itni Majaal Hai
Ke Wo Tere Saamne Tik Sake
Jinhe Naaz Apni Zubaan Pe Tha
Wo Bhi Aaye Jab Tere Saamne
Ke Wo Raob Khaak Me Milgaya
Ke Wo Honth Bhi Na Hilasake
Tere Aage Yoon Hain Dabe Lache
Fusaha Arab Ke Bade Bade
Koi Jaane Mu Me Zubaan Nahi
Nahi Balke Jism Me Jaan Nahi.

Tere Gul Se Paaki Bahaar Par
Wo Bahaare Baaghe Jinaan Fida
Tere Rukh Pe Chand Nisaar Ho
Tere Qad Pe Sar Wo Chamaan Fida
Mere Saare Maal -O- Mataah Kya
Ke Saron Pe Gar Meri Maa Fida
Karun Tere Naam Pe Jaan Fida
Na Bas Ek Jaan Do Jahan Fida
Do Jahan Se Bhi Nahi Jee Bhara
Karun Kya Karodon Jahan Nahi.

Jo Kisi Se Pherlein Wo Nazar
Phir Maara Maara Wo Darbadar
Na Use Qaraar Naseeb Ho
Na Sukoon Paaye Wo Umr Bhar
Do Jahan Ke Khair Ki Hai Talab
To Chalo Dare Shahe Deen Par
Ba Khuda Khuda Ka Yehi Hai Dar
Nahi Aur Koi Mafar Maqar
Jo Wahan Se Ho Yahin Aake Ho
Jo Yahan Nahi To Wahan Nahi.

Teri Bargah Me Arz Kya
Mai Karun Aye Maalike Behrobar
Jo Khayaal Dil Me Guzarte Hain
Ba Khuda Tu Unse Hai Ba Khabar
Kafe Daste Paak Ki Misl Hai
Tere Saamne Sabhi Khushko Yar
Sare Arsh Par Hai Teri Guzar
Dile Farsh Par Hai Teri Guzar
Malakooto Mulk Me Koi Shai
Nahi Wo Jo Tujhpe Ayaan Nahi.

Mere Mustafa Mere Mujtaba
Tera Rooe Paak Hai Waz Zuha
Tera Ek Ishara Jo Milgaya
To Kaleja Chand Ka Chirgaya
Tera Mehre Paak Teri Raza
Koi Laaye Tera Jawab Kya
Nahi Jiske Rang Ka Doosra
Na To Ho Koi Na Kabhi Hua
Kaho Usko Gul Kahein Kya Bane
Ke Gulon Ka Dher Kahan Nahi.

Kisi Maaldaar Ki Madha Me
Kabhi Bhi Raza Ne Na Kuch Kaha
Jo Mere Raza Se Kaha Gaya
Ke Qasida Likho Nawab Ka
To Suno Aye Qasime Benawa
Ke Mere Imaam Ne Kya Kaha
Karun Madhe Ahle Duwal Raza
Padhe Iss Bala Mere Meri Bala
Mai Gada Hoon Apne Kareem Ka
Mai Deen Paaraye Naan Na.