Khushbu Hai To Aalam Me Teri

Khushbu Hai To Aalam Me Teri

Khushbu Hai To Aalam Me Teri Aye Gule Cheeda
Kis Mu Se Bayaan Ho Tere Ausaafe Hameeda.

Aye Rehmate Aalam Teri Yaadon Ki Badaulat
Kis Darja Sukoon Me Hai Mera Qalbe Tapeeda.

Tujhsa Koi Aaya Hai Na Aayega Jahan Me
Deta Hai Gawahi Yehi Aalam Ka Jareeda.

Muzmir Teri Taqleed Me Aalam Ki Bhalaayi
Mera Yehi Imaan Hai Ye Mera Aqeeda.

Aye Haadi -E- Barhaq Teri Har Baat Hai Sacchi
Deeda Se Bhi Badhkar Hai Tere Lab Se Suneeda.

Khairaat Mujhe Apne Muhabbat Ki Ataa Kar
Aaya Hoon Tere Dar Pe Ba Damaane Dareeda.

Tu Roohe Zaman Range Chaman Abre Baharaan
Tu Husne Sukhan Shaane Adab Jaane Qaseeda.

Be Taab Hai Altaf Mera Haale Pareshan
Mohtaaje Inayath Hai Mera Range Pareeda.

Yoon Door Hoon Tayyib Mai Hareeme Nabawi Se
Sehra Me Ho Jis Tarha Koi Shaakhe Bareeda.