Rakhlein Wo Jo Dar Par Mujhe

Rakhlein Wo Jo Dar Par Mujhe

Rakhlein Wo Jo Dar Par Mujhe Darban Waghaira
Phir Kya Ho Mere Saamne Sultaan Waghaira.

Khairaat Mili Ho Jinhe Sarkar Ke Dar Se
Duniya Ke Uthaate Nahi Ehsaan Waghaira

Aaqa Ki Chataai Ki To Wo Shaan Hai Wallah
Bas Naam Ke Hain Taqt -E- Sulaiman Waghaira.

Banna Hai Mujhe Khaake Rahe Shehre Madina
Bankar Mujhe Rehna Nahi Mehmaan Waghaira.

Ho Hukm To Le Aaun Mai Jannat Me Unhe Bhi
Kuch Rehgaye Baaqi Jo Sanakhwan Waghaira.

Taseere Luaab -E- Dahan -E- Paak Hai Aisi
Sar Qadmon Me Rakhdete Hain Luqmaan Waghaira.

Dekhe To Koi Lafze Yadullah Ki Taseer
Un Haathon Me Bol Uth'te Hain Be Jaan Waghaira.

Miljaye Jise Dashte Arab Sehr Ki Khaatir
Kyun Maange Wo Jannat Ke Gulistaan Waghaira.

Ek Naat Busairi Ki Ne Wo Rang Jamaya
Logon Ke Dhare Rehgaye Deewan Waghaira.

Aayein To Sahi Aapke Mangte Ke Muqabil
Jitne Bhi Zamane Ke Hain Sultaan Waghaira.