Naat Sarkar Ki Padhta Hoon Main

Naat Sarkar Ki Padhta Hoon Main

Naat Sarkar Ki Padhta Hoon Main
Bas Isi Baat Se Ghar Me Mere Rehmat Hogi.
Ek Tera Naam Wasila Hai Mera
Ranjo Gham Me Bhi Isi Naam Se Raahat Hogi.

Ye Suna Hai Ke Bohot Ghor Andheri Hogi
Qabr Ka Khauf Na Rakhna Aye Dil
Wahan Sarkare Do Aalam Ki Ziyarat Hogi.

Kahin Yaseen Kahin Taha Kahin Wal Layl Aaya
Jinki Qasmein Mera Rab Khaata Hai
Kitni Dilkash Mere Mehboob Ki Surat Hogi.

Unko Muqthar Banaya Hai Mere Maula Ne
Khuld Me Bas Wohi Jasakta Hai
Jisko Hasnain Ke Nana Ki Ijazat Hogi.

Do Jahan Me Use Phir Kaun Panah Me Lega
Hoga Ruswa Wo Sare Hashr Jise
Sayyada Zahra Ke Bacchon Se Adawat Hogi.

Hashr Ka Din Bhi Ajab Dekhne Waala Hoga
Zulf Lehra Ke Wo Jab Aayenge
Phir Qayamat Me Bhi Khud Ek Qayamat Hogi.

Unki Chaukhat Pe Pade Hain To Badi Mauj Me Hain
Laut Kar Aayeinge Jab Uss Dar Se
Mere Dil Tu Hi Bata Kya Teri Haalat Hogi.

Rashk Se Door Khade Dekhte Honge Zahid
Jab Sare Hashr Gunahgaron Par
Mere Aaqa Ka Karam Hoga Inayath Hogi.

Mera Daman To Gunahon Se Bhara Hai Alkaf
Ek Sahara Hai Ke Ham Unke Hain
Issi Nisbath Se Sare Hashr Shafa'at Hogi.