Kooe Nabi Se Aa Na Sake Ham

Kooe Nabi Se Aa Na Sake Ham

Kooe Nabi Se Aa Na Sake Ham
Rahat Hi Kuch Aisi Thi
Bhool Gaye Ham Jannat Ko Bhi
Jannat Hi Kuch Aisi Thi.

Tak'te Rahe Yousuf Jaise Bhi
Hashr me Unke Chehre Ko
Jab Poocha To Kehne Lage Wo
Soorat Hi Kuch Aisi Thi.
Paas Bulaya Paas Bithaya
Jalwa Dikhaya Khaliq Ne
Ye To Aaqir Hona Hi Tha
Chahat Hi Kuch Aisi Thi.
Bolo Aye Jibreel Ke Unki
Kyun Kar Taliyan Choomi Thi
Kehne Lage Jibreel Ke Unki
Azmath Hi Kuch Aisi Thi.
Akbar Asghar Aur Ye Ghazi
Deen Pe Waare Has Has Kar
Yoon Lagta Hai Deene Nabi Ki
Qeemat Hi Kuch Aisi Thi.

Duniya Me Sarkar Ki Naatein
Padhte Rahe Har Ek Lamha
Qabr Me Bhi Thi Naat Labon Par
Aadat Hi Kuch Aisi Thi.

Qabr Me Haakim Jab Pohonche To
Hans Ke Nakeeron Ne Dekha
Kyun Na Farishte Pyaar Se Milte
Nisbath Hi Kuch Aisi Thi.