Aye Rasoole Amin Khatamul Mursaleen

Aye Rasoole Amin Khatamul Mursaleen

Aye Rasoole Amin Khatamul Mursaleen
Tujhsa Koi Nahi, Tujhsa Koi Nahi
Hai Aqeeda Ye Apna Ba Sidqo Yaqeen
Tujhsa Koi Nahi, Tujhsa Koi Nahi.

Bazme Kaunain Pehle Sajaayi Gayi
Phir Teri Zaat Manzar Pe Laayi Gayi
Sayyadul Awwaleen Sayyadul Aaqireen
Tujhsa Koi Nahi, Tujhsa Koi Nahi.

Daste Qudrat Ne Aisa Banaya Tujhe
Jumla Ausaaf Se Khud Sajaya Tujhe
Aye Azal Ke Haseen Aye Abad Ke Haseen
Tujhsa Koi Nahi, Tujhsa Koi Nahi.

Tera Sikka Rawa Kul Jahan Me Huwa
Iss Zameen Me Huwa Aasman Me Huwa
Kya Arab Kya Ajam, Sab Hai Zere Nageen
Tujhsa Koi Nahi, Tujhsa Koi Nahi.

Aye Sarapa Nafees Anfase Do Jahan
Sarware Sarwara Dilbare Aashiqan
Dhoondti Hai Tujhe Meri Jaane Hazeen
Tujhsa Koi Nahi, Tujhsa Koi Nahi.

Sidratul Muntaha Rahguzar Me Teri
Qaaba Khausain Garde Safar Me Teri
Tu Hai Haq Ke Qareen Haq Hai Tere Qareen
Tujhsa Koi Nahi, Tujhsa Koi Nahi.

Mustafa Mujtaba Teri Madho Sana
Mere Bas Me Nahi Dastaras Me Nahi
Dil Ko Himmat Nahi, Lab Ko Yaara Nahi
Tujhsa Koi Nahi, Tujhsa Koi Nahi.