Ya Shafi -E- Umam Lillah Kardo Karam

Ya Shafi -E- Umam Lillah Kardo Karam

Ya Shafi -E- Umam Lillah Kardo Karam
Shala Wasda Rawe Tera Sohnda Haram
Ham Ghulamon Ka Rakhna Khudara Bharam
Shaala Wasda Rawe Tera Sohnda Haram.

Muntashir Hain Khayalaat Ki Waadiyan
Lutgaya Hai Sukoon Waali -E- Do Jahan
Door Hojayein Gham Ya Shahe Mohtaram
Shaala Wasda Rawe Tera Sohnda Haram.

Teri Chaukhat Ke Mangte Hain Jaayein Kahan
Apni Rehmath Se Bhardijiye Jholiyan
Ham Hain Ummeedwaare Karam Ho Karam
Shaala Wasda Rawe Tera Sohnda Haram.

Teri Yaadon Se Mamoor Seena Rahe
Saamne Mere Tera Madina Rahe
Dar Pe Baitha Rahun Leke Mai Chashme Nam
Shaala Wasda Rawe Tera Sohnda Haram.

Kisko Jaakar Kahein Taajdare Haram
Ghera Daale Hue Hain Zamane Ke Gham
Rehm Farmade Ab Teri Ummat Hain Ham
Shaala Wasda Rawe Tera Sohnda Haram.

Meri Haathon Me Kaasa Hai Umeed Ka
Hoon Bhikaari Shaha Mai Teri Deed Ka
Mai Gada -E- Haram Tu Nabi Mohtasham
Shaala Wasda Rawe Tera Sohnda Haram.

Ya Nabi Apni Ulfath Ki Saughaat De
Apne Shayaane Shaan Mujhko Khairaat De
Iss Se Matlab Nahi Hai Siwa Ho Ke Kam
Shaala Wasda Rawe Tera Sohnda Haram.

Chord Kar Tera Dar Kyun Phirun Dar Ba Dar
Haan Tere Ghar Se Accha Nahi Koi Ghar
Ho Tumhi Mera Deen Aur Mere Dharam
Shaala Wasda Rawe Tera Sohnda Haram.

Haazri Ho Niyazi Ki Darbar Me
Zindagi Ho Basar Zikre Sarkar Me
Aate Jaate Rahein Teri Chaukhat Pe Ham
Shaala Wasda Rawe Tera Sohnda Haram.