Apni Rehmath Ke Samandar Me Utar Jaane De

Kalaam of Muzaffar Warsi Sahab

Apni Rehmath Ke Samandar Me Utar Jaane De
Be Thikana Hoon Azal Se Mujhe Ghar Jaane De.

Sooe Bat'ha Liye Jaati Hai Hawaye Bat'ha
Booe Duniya Mujhe Gumrah Na Kar Jaane De.

Teri Surat Ki Taraf Dekhraha Hoon Aaqa
Putliyon Ko Isi Markaz Pe Teher Jaane De.

Zindagi Gumbade Khazra Hi To Manzil Hai Meri
Mujhko Hariyaliyon Me Khaak Basar Jaane De.

Maut Par Meri Shaheedon Ko Bhi Rashk Aayega
Apne Qadmon Se Lipat Kar Mujhe Marjaane De.

Khwahishe Zaat Bohot Saath Diya Hai Tera
Ab Jidhar Mere Muhammad Hai Udhar Jaane De.

Rok Rizwan Na Muzaffar Ko Dare Jannat Par
Ye Muhammad Ka Hai Manzoore Nazar Jaane De.