Wara Fa'ana Laka Zikrak - (1)

Hai Ye Farmane Khuda Jiski Hai Aalam Me Dhamak
Ye Wo Aayat Hai Jise Padhte Hain Sab Hooro Malak
Wara Fa'ana Laka Zikrak, Wara Fa'ana Laka Zikrak.

Meri Maiyyat Ko Na Tum Baagh -O- Chaman Me Rakhna
Khaake Taiba Hi Faqat Mere Kafan Me Rakhna
Kyun Ke Milti Rahe Jannat Me Bhi Taiba Ki Mahak.

Choom Kar Kehte The Dehleez -E- Nabuwwat Ko Bilal
Tere Tukdon Pe Pale Ghair Ki Thokar Pe Na Daal
Kyun Na Gun Gaun Tera Khaata Hoon Jab Tera Namak.

Husne Imaan Se Jo Dekhe Wo Sahabi Hojaye
Phool To Phool Hai Kaanta Bhi Gulaabi Hojaye
Rooe Purnoor Ki Miljaye Agar Ek Jhalak.

Jiski Tauseef Me Purnoor Saheefa Utraa
Jiski Tareef Me Quran Ka Paara Utra
Aisa Aabid Hai Ke Maddah Hai Mabood Talak.

Kaise Taskeen Ye Payengi Udaasi Aankhein
Hasrate Deed Ki Sarkar Hai Pyaasi Aankhein
Khwab Hi Me Sahi Sarkar Dikhadije Jhalak.

Palk Jhapki Nahi Aur Hogaya Sadiyon Ka Safar
Jaane Kis Shaan Se Guzre Hain Wo Jinno Bashar
Hilti Zanjeer Bayaan Karti Hai Jalwon Ki Dhunak.

Aala Hazrath Sa Wo Miyaar Kahan Se Laaun
Madhe Sarkar Me Yafkaar Kahan Se Laaun
Hai Ye Sab Dil Me Mere Midhat -E- Aaqa Ki Lalak.