Mera Hussain Baaghe Nabuwwat Ka Phool Hai

Mera Hussain Baaghe Nabuwwat Ka Phool Hai

Mera Hussain Baaghe Nabuwwat Ka Phool Hai
Haidar Ki Isme Jaan Hai Khoone Batool Hai.

Guzra Jahan Jahan Se Nawasa Rasool Ka
Ab Tak Wahan Khuda Ke Karam Ka Nuzool Hai.

Itni Azeem Zaat Hai Maula Hussain Ki
Jiske Liye Huzoor Ke Sajdon Me Tool Hai.

Jiske Liye Yazeed Ne Laakhon Sitham Kiye
Wo Taaj To Hussain Ke Qadmon Ki Dhool Hai.

Duniya Me Aur Kaun Hai Shabbir Ke Siwa
Aisa Sawaar Jiski Sawari Rasool Hai.

Aale Nabi Ka Pyaar Hai Imaan Ki Raushni
Inse Nahi Hai Pyaar To Sab Kuch Fuzool Hai.

Jo Jee Me Aaye Unke Gharane Se Maangle
Maalik Ye Sab Jahan Ke Aale Rasool Hai.