Ghame Hussain Me Ghamgeen Ek Zamana Hai

Kalaam of Shaaiq

Ghame Hussain Me Ghamgeen Ek Zamana Hai
Malak Me Jinn -O- Pari Me Yehi Fasana Hai.

Sitham Hai Mujrayi Maidane Karbala Me Naya
Nabi Ke Aal Ka Dil Teer Ka Nishana Hai.

Ye Aurton Par Ghazab Hai Sitham Hai Bacchon Par
Na Paani Peene Ko Hai Khaane Ko Na Khaana Hai.

Zameen Pe Za'af Se Sar Hai Qameeda Akbar Hai
Yehi Hai Sajda Yehi Shukr Ka Dogaana Hai.

Malool Dost Rahein Aur Khush Rahein Dushman
Ajab Khuda Ki Khudayi Ka Karkhaana Hai.

Pade Hain Dhoop Me Jalte Shaheedon Ke Laashe
Na Qabr Hai Na Kafn Hai Na Shamiyana Hai.

Jo Zakhmi Hogaye Akbar To Roke Bole Hussain
Tumhare Daada Ki Meeraas Sar Katana Hai.

Chale Hain Nehr Pe Abbas Jaan Dene Ko
Faqat Dikhane Ko Paani Ka Ek Bahana Hai.

Chacha Se Bole Ye Qasim Ke Ran Ko Do Ruqsath
Mujhe To Hashr Me Baba Ko Mu Dikhana Hai.

Shaheed Hote Hi Asghar Pe Bol Uthe Shabbir
Sithamgaron Ye Sitham Ka Bhi Kuch Thikana Hai.

Hussain Paas Tum Apne Bulaalo Shaaiq Ko
Qabar Nahin Ke Yahan Kab Tak Aab -O- Daana Hai.