Lab Par Naate Paak Ka Naghma

Kalaam of Syed Sabihuddin Rehmani

Lab Par Naate Paak Ka Naghma
Kal Bhi Tha Aur Aaj Bhi Hai
Mere Nabi Se Mera Rishta
Kal Bhi Tha Aur Aaj Bhi Hai.

Past Wo Kaise Ho Sakta Hai
Jisko Haq Ne Buland Kiya
Dono Jahan Me Unka Charcha
Kal Bhi Tha Aur Aaj Bhi Hai.

Aur Kisi Jaanib Kyun Jaayen
Aur Kisi Ko Kyun Dekhein
Apna Sab Kuch Gumbade Khazra
Kal Bhi Tha Aur Aaj Bhi Hai.

Batlaado Gustaqe Nabi Ko
Ghairate Muslim Zinda Hai
Deen Pe Mar Mitne Ka Jazba
Kal Bhi Tha Aur Aaj Bhi Hai.

Jiske Faiz Se Banjar Seenon
Ne Shadaabi Paayi Hai
Mauj Me Wo Rehmath Ka Dariya
Kal Bhi Tha Aur Aaj Bhi Hai.

Unke Dar Se Sab Ho Aaye
Jaa Na Saka To Ek Sabih
Ye Ke Ek Tasweere Tamanna
Kal Bhi Tha Aur Aaj Bhi Hai.