Mai Sadqe Mai Qurban O Kamli Waale

Kalaam of Izzath

Mai Sadqe Mai Qurban O Kamli Waale
Tasadduq Meri Jaan O Kamli Waale.

Mere Tan Me Tu Hai Mere Man Me Tu Hai
Hai Tu Hi Meri Jaan O Kamli Waale.

Qasam Hai Khuda Ki Na Samjha Kisi Ne
Badi Hai Teri Shaan O Kamli Waale.

Khuda Ke Liye Pyaari Surat Dikhade
Ye Dil Hai Pareshan O Kamli Waale.

Bula Mujhko Taiba Dikha Apna Rauza
Bana Apna Darban O Kamli Waale.

Tumhari Shafa'at Ka Hai Ek Bharosa
Nahi Koi Samaan O Kamli Waale.

Baroze Qayamat Ho Teri Inayath
Rahun Zere Damaan O Kamli Waale.

Tumhare kahe Ko Jo Dil Se Na Maane
Wo Kab Hai Musalman O Kamli Waale.

Balaayen Ye Tal Jaayen Sar Par Se Meri
Rahe Amn -O- Aamaan O Kamli Waale.

Nishane Qadam Par Tumhare Chalun Mai
Ye Dil Ka Hai Armaan O Kamli Waale.

Tujhe Dekh Kar Zarre Zarre Me Tabaan
Ye Izzath Hai Hairaan O Kamli Waale.