Waah Kya Joodo Karam Hai (Tazmeen)

Koi Duniya -E- Ataa Me Nahi Hamta Tera
Ho Jo Haatim Ko Mayassar Ye Nazara Tera
Keh Uthe Dekhke Baqshish Me Ye Rutba Tera
Waah Kya Joodo Karam Hai Shahe Bat'ha Tera
Nahi Sunta Hi Nahi Maangne Waala Tera.

Kuch Bashar Hone Ke Naate Tujhe Khud Sa Jaane
Aur Kuch Mahaz Payaami Hi Khuda Ka Jaane
Unki Auqaat Hi Kya Hai Ke Ye Itna Jaane
Farsh Waale Teri Shauqat Ka Uloo Kya Jaane
Khusrawa Arsh Pe Udhta Hai Pharera Tera.

Jo Tasawwur Me Tera Paikare Zeba Dekhein
Rooe Wa Shams Takein Matlaye Seema Dekhein
Kyun Bhala Ab Wo Kisi Aur Ka Chehra Dekhein
Tere Qadmon Me Jo Hai Ghair Ka Mu Kya Dekhein
Kaun Nazron Pe Chadhe Dekhke Talwa Tera.

Mujhse Nacheez Pe Ki Tu Ne Inayath Kitni
Tu Ne Har Gaam Pe Ki Meri Himayath Kitni
Kya Bataun Teri Rehmath Me Hai Wus'ath Kitni
Ek Mai Kya Mere Isyaan Ki Haqiqat Kitni
Mujhse Sau Laakh Ko Kaafi Hai Ishara Tera.

Kayi Pushton Se Ghulami Ka Ye Rishta Hai Bahaal
Yehi Tifli -O- Jawani Ke Bitaaye Maah -O- Saal
Ab Budhape Me Khudara Hame Yoon Dar Se Na
Taal
Tere Tukdon Se Pale Ghair Ki Thokar Pe Na Daal
Jhidkiyan Khaaye Kahan Chor Ke Sadqa Tera.

Ghame Dauraan Se Ghabraiyye Kis Se Kahiye
Apni Uljhan Kise Batlaiyye Kis Se Kahiye
Cheer Kar Dil Kise Dikhlaiyye Kis Se Kahiye
Kiska Mu Takiye Kahan Jaiyye Kis Se Kahiye
Tere Hi Qadmon Pe Mit Jaaye Ye Paala Tera.

Nazre Ushshaaqe Nabi Hai Ye Mera Harfe Ghareeb
Mimbare Waaz Pe Ladte Rahein Aapas Me Khateeb
Ye Aqeeda Rahe Allaha Kare Mujhko Naseeb
Mai To Maalik Hi Ke Ho Maalik Ke Habeeb
Yaani Mehboobo Muhib Me Nahi Mera Tera.

Qoogire Qurbat -O- Deedar Pe Kaisi Guzre
Kya Khabar Uske Dile Raaz Pe Kaisi Guzre
Hijr Me Iss Tere Beemar Pe Kaisi Guzre
Door Kya Jaaniye Badkaar Pe Kaisi Guzre
Tere Hi Dar Pe Mare Bekaso Tanha Tera.

Tujhse Har Chand Wo Hain Qadr -O- Fazaail Me Rafee
Kar Naseer Aaj Magar Fikre Raza Ki Tausee
Paas Hai Uske Shafa'at Ka Wasila Bhi Waqee
Teri Sarkar Me Laata Hai Raza Usko Shafee
Jo Mera Ghouse Hai Aur Laadla Beta Tera.
-------------------

Dhaare Chalte Hai Ataa Ke Wo Hai Qatra Tera
Taare Khilte Hain Saqa Ke Wo Hai Zarra Tera.

Aasman Khwan Zameen Khwan Zamana Mehmaan
Sahibe Khaana Laqab Kiska Hai Tera Tera.

Chor Haakim Se Chupa Karta Hai Ya Uske Khilaaf
Tere Daman Me Chupe Chor Anokha Tera.

Muft Paala Tha Kabhi Kaam Ki Aadat Na Padi
Ab Amal Poochte Hain Haaye Nikamma Tera.

Tu Jo Chahe To Abhi Mayl Mere Dil Ka Dhule
Ke Khuda Dil Nahi Karta Kabhi Mayla Tera.