Aaqa Hamare Zinda Hain

Harde Usool Ka Fitri Usool Zinda Hai
Chubhan Me Rehke Bhi Khaaron Ke Phool Zinda Hai
Laga Ke Naare Risalath Bataten Hain Sab Ko
Ham Hi Wo Log Hain Jinka Rasool Zinda Hai.

Naare Risalath Kehne Waale Ahle Wafa Sab Zinda Hain
Sunni Ka Hai Ye Aqeeda Aaqa Hamare Zinda Hain.

Gira...
Ali Farmate Hain Jab Ham Nabi Ke Saath Chalte The
Pahadon Pattharon Ne Bhi Pukara Ya Rasoolallah.

Zinda Nabi Ke Zinda Ghulamon Ka Faisla
Zikre Rasool Karte Rahenge Sada Sada
Jal Jal Ke Khaak Honge Zamane Ke Ahle Shar
Ta Hashr Zubanon Pe Rahega Ya Mustafa.

Munkir Hua Jo Rutba -E- Khairul Anaam Ka
Beshak Wo Bad Naseeb Hai Nutfa Haraam Ka
Noore Bashar Hai Haazir -O- Naazir Hai Mustafa
Allah Jaane Martaba Khulq -E- Imaam Ka.

Khatra -E- Haq Na Jhuka Samandar Ke Saamne
Laakhon Ne Sar Jhukaya Bahattar Ke Saamne
Siddiq Ki Talwar Se Wo Bach Na Saka Hai
Jis Ne Bhi Sar Uthaya Payambar Ke Saamne.

Ishqe Rasoole Paak Bhulaya Na Jayega
Dil Me Kisi Ko Aur Basaya Na Jayega
Jis Qalb Me Ho Ishqe Muhammad Ka Basera
Dozaq Ki Aag Me Wo Jalaya Na Jayega.

Tarikiyon Me Ishq Ki Shamma Jala Ke Dekh
Lab Par Duroode Paak Ke Naghme Saja Ke Dekh
Tujhpar Bhi Khoob Hongi Inayaat -E- Mustafa
Tu Bhi Kabhi Huzoor Ki Mehfil Saja Ke Dekh.

Wada Raha Ghulam Ka Jab Tak Hai Dam Me Dam
Charcha Mere Huzoor Ka Hoga Kabhi Na Kam
Mitjayega Jo Zikre Muhammad Mitayega
Ham Khaak Milayenge Dushman Ke Sab Bharam.

Tareef Jo Mai Karta Hoon Khairul Anaam Ki
Izzat Buland Hoti Hai Mere Maqaam Ki
Meri Lahad Me Layenge Tashreef Mustafa
Aadat Bana Raha Hoon Duroodo Salaam Ki.

Isaa Ke Maujza Ke Na Moosa Ka Toor Tha
Jinno Bashae Na Shams -O- Qamar Ka Zahoor Tha
Katib Bada Haseen Tha Wo Naqshaye Azal
Bas Rabbe Muhammad -O- Muhammad Ka Noor Tha.