Mujhpe Bhi Chashme Karam

Kalaam of Peer Naseer Uddin Naseer

Mujhpe Bhi Chashme Karam Aye Mere Aaqa Karna
Haq To Mera Bhi Hai Rehmat Ka Taqaza Karna.
Gira...
Tu Ne Khatre Ko Dekha Gauhar Kardiya
Tu Ne Zarre Ko Dekha To Zar Kardiya
Tu Ne Habshi Ko Rashke Qamar Kardiya
Dooba Suraj Phirana Tera Kaam Hai.

Ye Tera Kaam Hai Aye Aamina Ke Durre Yateem
Saari Ummat Ki Shafa'at Tane Tanha Karna.
Mai Hoon Bekas Tera Shewa Hai Sahara Dena
Mai Hoon Beemar Tera Kaam Hai Accha Karna.
Mai Ke Zarra hoon Mujhe Wusate Sahra Dede
Ke Tere Bas Me Hai Qatre Ko Bhi Dariya Karna.

Kankaron Ka Tere Aijaz Pe Wo Bol Uthna
Wo Daraqton Ka Teri Deed Pe Jhooma Karna.

Un Sahaba Ki Khush Atwaar Nigahon Ko Salaam
Jinka Maslak Tha Tawaafe Ruqe Zeba Karna.

Koi Farooq Se Pooche Ke Kise Aata Hai
Dil Ki Duniya Ko Nazar Se Taho Baala Karna.

Wo Tera Dars Ke Jhukna To Khuda Ke Aage
Wo Tera Hukm Ke Khaliq Hi Ko Sajda Karna.

Dushman Aajaye To Uthkar Wo Bichana Chadar
Husne Aqlaaq Se Ghairon Ko Bhi Apna Karna.

Tere Sadqe Wo Usi Rang Me Khud Hi Dooba
Jis Ne Jis Rang Me Chaha Mujhe Ruswa Karna.

Chand Ki Tarha Tere Gird Wo Taaron Ka Hujoom
Wo Tera Halqaye Ashaab Me Baitha Karna.

Qaaba Kausain Ki Manzil Pe Yaka Yak Wo Talab
Shabe Asra Wo Bulana Tujhe Dekha Karna.

Tere Aage Wo Har Ek Manzare Fitrat Ka Adab
Chand Suraj Ka Wo Pehron Tujhe Dekha Karna

Aal -O- As'haab Ki Sunnat Mera Miyaare Wafa
Teri Chahat Ke Ewaz Jaan Ka Sauda Karna.

Tu Kisi Ko Bhi Uthata Nahi Apne Dar Se
Ke Teri Shaan Ke Shaayan Nahi Aisa Karna.
Mujhpe Mehsar Me Naseer Unki Nazar Pad Hi Gayi
Kehne Waale Isse Kehte Hain Khuda Ka Karna.