Aayi Phir Yaad Madine Ki Rulaane Ke Liye

Aayi Phir Yaad Madine Ki Rulaane Ke Liye

Aayi Phir Yaad Madine Ki Rulaane Ke Liye
Dil Tadap Utha Hai Darbar Me Jaane Ke Liye.

Kaash Mai Udti Phirun Khaake Madina Ban Kar
Aur Machalti Rahun Sarkar Ko Paane Ke Liye.

Mere Lajpaal Ne Ruswa Kabhi Hone Na Diya
Jab Pukara Hai Unhe Aaye Bachane Ke Liye.

Gham Nahi Chorde Ye Saara Zamana Mujhko
Mere Aaqa To Hain Seene Se Lagaane Ke Liye.

Baqshdi Naat Ki Daulat Mere Aaqa Ne Mujhe
Kitna Pyaara Hai Waseela Unhe Paane Ke Liye.

Phir Mayassar Mujhe Deedare Madina Hoga
Wo Bulayenge Mujhe Jalwa Dikhaane Ke Liye.

Ye To Bas Unka Karam Hai Ke Wo Sun Lete Hain
Warna Ye Lab Kahan Faryaad Sunane Ke Kiye.