Nazar Aata Nahi Koi Hamara Ya Rasoolallah

Nazar Aata Nahi Koi Hamara Ya Rasoolallah

Kalaam of Hz Azmath Peer Baghdadi R.A

Nazar Aata Nahi Koi Hamara Ya Rasoolallah
Mujhe Kaafi Sahara Hai Tumhara Ya Rasoolallah.

Rukhe Zeba Dikhado Ab Wo Pyaara Ya Rasoolallah
Ho Poori Aarzu Meri Khudara Ya Rasoolallah.

Pareshan Hai Jahan Chalta Hai Kaise Khafila Mera
Karam Ka Bas Yehi Hai Ek Ishaara Ya Rasoolallah.

Tumhein Ham Chor Kar Jaayein Kahan Apna Nahi Koi
Tumhi Roohe Rawaan Mere Ho Aaqa Ya Rasoolallah.

Fana Duniya Ki Har Shai Hogi Baaqi Kuch Nahi Hoga
Rahega Naam Baaqi Ek Tumhara Ya Rasoolallah.

Ye Ummat Aapki Gardish Me Hai Koi Nahi Iska
Bachalo Iski Kashti Ko Khudara Ya Rasoolallah..

Musafir Bangaye Hain Ham Thikana Hai Nahi Koi
Tumhi Ho Be Thikanon Ka Thikana Ya Rasoolallah.

Mili Rahat Musalman Ko Madine Me Wo Jab Aaye
Wahin Milta Sukoone Dil Bulaana Ya Rasoolallah.

Guzar Jayegi Apni Jis Tarah Se Ho Madine Me
Mile Jo Aapke Dar Ka Utaara Ya Rasoolallah.

Ataa Mehboobe Subhani Ke Khatir Kuch To Hojaye
Ho Rizqe Ganje Maqfi Ka Bahana Ya Rasoolallah.

Mila Azmath Ko Jo Kuch Bhi Yahan Wo Aapke Dar Se
Isi Par Hi Kiya Apna Guzaara Ya Rasoolallah.