Husne Azal Ki Ek Jhalak Thi Jo Kabhi Hijaab Me

Kalaam of Layeeq

Husne Azal Ki Ek Jhalak Thi Jo Kabhi Hijaab Me
Dekhraha Hoon Usko Mai Surate Bu Turaab Me.

Fitrate Mustamand Ko Deeda -E- Hoshmand Ko
Ek Payame Zeest Hai Gham Ke Har Izteraab Me.

Uski Raheen -E- Lutf Hai Dil Ki Tamam Karwatein
Husn Ke Sha'abde Hain Sab Ishq Ki Peech -O- Taab Me.

Rooyat -E- Murtaza Mujhe Rooyat -E- Mustafa Bhi Hai
Kis Se Nazar Ki Daad Loon Apni Nazar Ke Baab Me.

Daakhil -E- Maqsad -E- Junoon Sange Dare Najaf Bhi Hai
Meri Jabeen -E- Shouq Ki Koshish -E- Kamiyab Hai.

Fikre Saheeh -O- Aagahi Zauqe Saleem -E-
Bandagi
Daulatein Kitni Jama'ah Hain Nisbath Bu Turaab Me.

Adl -O- Aaqir Uski Zaat Apni To Muft Me Baraat
Kaun Tikaa Jo Ham Tiken Ishq ke Iltehaab Me.

Fazlo Karam Pe Unke Hain Apni Tamaam Zindagi
Warna Shumaar Apna Kya Ham Bhi Kisi Hisaab Me.

Li Hain Balayen Sainkdon Maine Nazar Se Aye Layeeq
Basgaye Jabse Aake Wo Deeda -E- Faizyaab Me.