Idhar Hazaron Nabi -O- Mursal

Idhar Hazaron Nabi -O- Mursal

Idhar Hazaron Nabi -O- Mursal
Udhar Wo Tanha Khade Hue Hain
Hamare Aaqa To Apne Rutbe
Me Sab Se Aage Bade Hue Hain.

Kareem Aaqa Ke Ek Tukde
Ne Paal Rakhi Hai Saari Duniya
Tabhi To Shaho Gada Tamami
Nabi Ke Dar Par Pade Hue Hain.

Koi To Bole Jise Khuda Ne
Nahi Diya Hai Nabi Ka Sadqa
Hamare Bacche To Mustafa Ke
Hi Tukde Khakar Bade Hue Hain.

Yahan To Lakhon Sikandar Aaye
Na Baans Baaqi Na Bansuri Hai.
Magar Hamare Nabi Ke Jhande
Azal Ke Din Se Gade Hue Hain.

Wo Kehrahe Hain Khuda Se Maango
Hame Ye Zid Hai Nabi Se Lenge
Wo Apni Zid Par Ade Hue Hain
Ham Apni Zid Par Ade Hue Hain.

Agar Mayassar Ho Chashme Bina
To Aasmanon Ki Simt Dekho
Jahan Jahan Unka Naqshe Paa Hai
Udhar Sitare Jade Hue Hain.

Khuda Ne Di Hai Jo Tumko Aankhen
To Apni Aankhon Se Khud Hi Dekho
Hussain Waale Hain Taaze Taaze
Yazeed Waale Sadhe Hue Hain.

Ali Ke Ghar Ki Na Poocho Azmath
Ye Ghar Anokha Hai Sab Se Nasir
Nabi Ki Zehra Ke Dar Pe Khudsi
Bhi Sar Jhuka Kar Khade Hue Hain.