Koi Khilqat Me Unsa Nahi Hai Bada

Koi Khilqat Me Unsa Nahi Hai Bada

Koi Khilqat Me Unsa Nahi Hai Bada
Wo Habeebe Khuda Unki Kya Baat Hai
Hum Gunahgar Hain Hum Siyahkaar Hain
Wo Shafi -Ul- Wara Unki Kya Baat Hai.

Aur Kisko Urooj Itna Haasil Hua
Saara Quran Hi Unpe Naazil Hua
Zeenat -E- Arsh Hain Azmat -E- Farsh Hain
Wo Makeen -E- Hiraa Unki Kya Baat Hai.

Sab Se Afzal Do Aalam Me Zaat Unki Hai
Wohi Mahboobe Rab Kayenaath Unki Hai
Rabb -E- Akbar Ne Jo Kuch Bhi Humko Diya
Unke Sadqe Mila, Unki Kya Baat Hai.

Jo Bhi Unse Mila Usko Rab Milgaya
Be Adab Zindagi Ko Adab Milgaya
Rab Se Wo Aashna Unse Rab Aashna
Wo Daleel -E- Khuda Unki Kya Baat Hai.

Unki Khaatir Do Aalam Banaye Gaye
Unke Anwaar Se Phir Sajaaye Gaye
Unke Rutbe Ko Jitne Badaaye Gaye
Aql Se Mawara Unki Kya Baat Hai.

Zindagi Ka Safar Ho Na Jaaye Tamaam
Unpe Aijaz Bhejo Duroodo Salaam
Wo Karam Hi Karam Wo Ataa Hi Ataa
Wo Dua Hi Dua Unki Kya Baat Hai.