Mere Wirde Lab Hai Nabi Nabi

Mere Wirde Lab Hai Nabi Nabi

Mere Wirde Lab Hai Nabi Nabi
Mera Dil Maqaame Habeeb Hai
Mai Mareeze Ishqe Rasool Hoon
Wo Habeeb Mera Tabeeb Hai.

Mera Uss Gali Se Hai Raabta
Jahan Sar Jhukate Hain Ambiya
Jahan Rehmaton Ka Nuzool Hai
Wo Jo Arshe Haq Ke Qareeb Hai.

Mai Bada Ameer -O- Kabeer Hoon
Shahe Do Sara Ka Aseer Hoon
Dare Mustafa Ka Faqeer Hoon
Mera Rif'aton Me Naseeb Hai.

Mai Ghamo Alam Me Hoon Mubtala
Koi Kya Karega Meri Dawa
Mera Do Jahan Me Tere Siwa
Shaha Aur Kaun Tabeeb Hai.

Wo Bhi Khoob Din The Malaika
Mere Saamne The Jo Sar Nigoon
Wo Mera Urooje Kamaal Tha
Ye Zawaal Kitna Ajeeb Hai.