Khwaja -E- Khwajgaan Haami -E- Bekasan

Kalaam of Fana Buland Shehri

Khwaja -E- Khwajgaan Haami -E- Bekasan
Ilteja Sunlo Shaahe Umam Ke Liye
Kardo Kardo Karam Murshid -E- Mohtaram
Tumko Bheja Gaya Hai Karam Ke Liye.

Gira...
Gar Tum Na Karoge To Karam Kaun Karega
Jholi Meri Tumhare Siwa Kaun Bharega.

Tera Karam Nahi To Qayamat Hai Zindagi
Tera Karam Ho Jab To Salamat Hai Zindagi.

Sher...
Hai Tumhari Talab Hasil -E- Bandagi
Iss Se Badkar Nahi Hai Ibadath Koi
Mere Sajde Hain Aye Khwaja Hindal Wali
Bas Tumhare Hi Naqshe Qadam Ke Liye

Noore Shaahe Najaf Mere Khwaja Piya
Teri Chaukhat Pe Waliyon Ne Sajda Kiya
Khaliq -E- Do Jahan Se Ye Rutba Mila
Tere Darbar -E- Faiz -O- Karam Ke Liye.

Shaahe Ajmer Mera Masiha Hai Tu
Dard Mandon Ke Dukh Ka Madawa Hai Tu
Teri Nisbath Ka Daman Rahe Haath Me
Bas Dawa Hai Yehi Ranjo Gham Ke Liye.

Thaamna Haath Aye Sayyad -E- Meherban
Hai Tera Kaam Khwaja Khata Poshiyan
Laaj Rakhna Fanaa Ki Moin -E- Jahan
Hashr Me Taajdaare Haram Ke Liye.