Sooe Taiba Ye Samajhkar Hai Zamane Jaate

Kalaam of Khwaja Shouq

Sooe Taiba Ye Samajhkar Hai Zamane Jaate
Ye Wo Rauza Hai Jahan Dil Nahi Tode Jaate

Rutbe Sarkar Ke Kya Qalq Se Jaane Jaate
Sab Pe Asraare Ilahi Nahi Khole Jaate.

Pardaye Meem Ke Asraar Jo Khole Jaate
Do Jahan Noore Muhammad Me Nahaye Jaate.

Maana'e Hashr Hai Aaqa Ka Na Samjha Jaana
Hashr Hojaata Agar Waqayi Samjhe Jaate.

Noor Ki Had Me Faqat Noor Hi Jasakta Hai
Sirf Agar Hote Bashar Arsh Pe Kaise Jaate.

Chashme Baatin Se Madine Ke Nazaare Dekho
Sirf Aankhon Se Ye Manzar Nahi Dekhe Jaate.
Bhool Jaate The Sahaba Ghamo Aalam Apne
Dekhlete The Jo Sarkar Ko Aate Jaate.
Jism Ke Saath Uthaaye Gaye Jab Ke Isaa
Noore Kul Kyun Shabe Asra Na Badan Se Jaate.

Saaya -E- Gumbade Khazra Jise Apnata Hai
Noore Haq Se Hain Wohi Qalb Ujaale Jaate.

Ki Na Kaabe Ki Ziyarath Bhi Baghair Aaqa Ke
Dars Usman Ajab Degaye Jaate Jaate.
Kaun Sarkar Ko Sar Taa Ba Qadam Dekhega
Paaye Aqdas Bhi Barabar Nahi Dekhe Jaate.

Unke Kirdar Ke Qad Naap Rahi Hai Duniya
Jinke Diwanon Ke Qad Tak Nahi Naape Jaate.
Zindagi Dooriye Sarkar Me Khud Maut Hai Shouq
Ham Hain Har Saans Me Apne Se Bikharte Jaate.