Kyun Kar Na Mere Dil Me Ho Ulfath Rasool Ki

Kalaam of Owais Raza Quadri

Kyun Kar Na Mere Dil Me Ho Ulfath Rasool Ki
Jannat Me Leke Jayegi Chahat Rasool Ki.

Chalta Hoon Mai Bhi Khafile Waalon Ruko Zara
Milne Do Bas Mujhe Bhi Ijazat Rasool Ki.

Sarkar Ne Bula Ke Madina Dikha Diya
Hogi Mujhe Naseeb Shafa'at Rasool Ki.

Tadpa Ke Unke Qadmon Me Mujhko Girade Shouq
Jiss Waqt Lo Lahad Me Ziyarath Rasool Ki.

In Aankhon Ka Warna Koi Hasrath Hi Nahi Hai
Sarkar Tumhara Rukhe Zeba Nazar Aaye.

Ya Rab Dikha De Aaj Ki Shab Jalwaye Habeeb
Ek Baar To Ata Hi Ziyarath Rasool Ki.

Puche Jo Deeno Imaan Nakeerain Qabr Me
Uss Waqt Mere Lab Pe Ho Midhat Rasool Ki.

Tu Hai Ghulaam Unka Ubaide Raza Tere
Mehshar Me Hogi Saath Himayath Rasool Ki.