Surate Najaat Bangayi

Tazeem Se Leta Hai Khuda Naame Muhammad
Kya Naam Hai Ye Salle Alaa Naame Muhammad
Allah Kare Uspe Haraam Aatishe Dozakh
Jis Shakhs Ke Ho Dil Pe Likha Naame Muhammad.

Andheri Raat Hai Shamsuz Zuha Ki Baat Karo
Sitaaron Aao Rukhe Mustafa Ki Baat Karo
Nakeeron Baad Me Koi Doosra Sawaal Karo
Khudara Pehle Mere Mustafa Ki Baat Karo.

Kamli Waale Ke Karam Ki Baat Hai
Warna Mujh Mangte Ki Kya Auqaat Hai.

Surate Najaat Bangayi
Tum Mile To Baat Bangayi.

Girah...
Shahe Arab Pe Dil Mera Qurban Hogaya
Ab Maghfirat Ke Waaste Samaan Hogaya.

Bhatke Huwon Ko Rahbare Imaan Milgaya
Har Ek Ko Najaat Ka Samaan Milgaya.

Tumhara Naam Lene Se Mujhe Sab Jaan Jaate Hain
Mai Wo Khoyi Hui Ek Cheez Hoon Jiska Pata Ho.

Rab Mila Lazzate Hayaath Mili
Tum Mile Saari Kayenaath Mili.

Rehgaya Meri Khataon Ka Sare Hashr Bharam
Milgaya Aapke Daman Ka Sahara Mujhko.

Khaate The Thokarein Jo Zamane Ke The Gada
Teri Gali Me Aaye To Sultan Bangaye.

Mujhe Kya Teri Rahein Milgayi Hain
Zamane Se Panahein Milgayi Hain
Mile Jo The Tere Naqshe Kafe Paa
Tere Milne Ki Raahein Milgayi Hain

Sher...
Pehle Unki Zaat Bangayi
Phir Ye Kayenaat Bangayi.

Girah...
Na Falak Na Chand Taare Na Sahar Na Raat Hoti
Na Tera Jamaal Hota Na Ye Kayenaat Hoti.

Sher...
Rukh Ki Raushni Se Din Bana
Gesuon Se Raat Bangayi.

Dar Huzoor Ka Jo Milgaya
Bekason Ki Baat Bangayi.

Girah...
Sunte Hain Ke Mehshar Me Sirf Unki Rasayi Hai
Gar Unki Rasaayi Hai Lo Jab To Ban Aayi Hai.

Mehshar Me Wohi Ins Khareedeinge Muhammad
Jin Ins Ka Koi Bhi Kharidaar Na Hoga.

Sher...
Jaan Di Dare Huzoor Par
Maut Bhi Hayaath Bangayi.

Aayate Quran Jo Padhi
Mustafa Ki Naat Bangayi.

Sajide Hazeen Pe Ho Karam
Zeest Gham Ki Raat Bangayi.