Arshe Haq Hai Masnade Rif'ath Rasoolullah Ki

Arshe Haq Hai Masnade Rif'ath Rasoolullah Ki

Arshe Haq Hai Masnade Rif'ath Rasoolullah Ki
Dekhni Hai Hashr Me Izzath Rasoolullah Ki.

Qabr Me Lehrayenge Ta Hashr Chashme Noor Ke
Jalwa Farma Hogi Jab Tal'at Rasoolullah Ki.

Laa Wa Rabbil Arsh Jisko Jo Mila Unse Mila
Bat'ti Hai Kaunain Me Naimath Rasoolullah Ki.

Wo Jahannam Me Gaya Jo Unse Mustaghni Hua
Hai Khaleelullah Ko Haajath Rasoolullah Ki.

Suraj Ulte Paaun Palthe Chand Ishare Se Ho Chaak
Andhe Najdi Dekhle Qudrath Rasoolullah Ki.

Tujhse Aur Jannat Se Kya Matlab Wahabi Door Ho
Ham Rasoolullah Ke Jannat Rasoolullah Ki.

Ham Bhikari Wo Kareem Unka Khuda Unse Fizoo
Aur Naa Kehna Nahi Aadath Rasoolullah Ki.

Ahle Sunnath Ka Hai Beda Paar As'haabe Rasool
Najm Hai Aur Naav Hai Itrath Rasoolullah Ki.

Khaak Hokar Ishq Me Aaram Se Sona Mila
Jaan Ki Ekseer Hai Ulfath Rasoolullah Ki.

Toot Jayeinge Gunahgaron Ke Fauran Qaid -O- Band
Hashr Ko Khuljayegi Taaqat Rasoolullah Ki.

Aye Raza Khud Saahibe Quran Hai Mad'dahe Huzoor
Tujhse Kab Mumkin Hai Phir Midhath Rasoolullah Ki.