Iss Karam Ka Karun Shukr Kaise Adaa

Iss Karam Ka Karun Shukr Kaise Adaa

Be Bandagi Urooj Kiya Banda Kardiya
Taara Mere Naseeb Ka Tabinda Kardiya
Itni Badi Huzoor Ki Banda Nawaziyan
Mujhko Mere Sawaal Ne Sharminda Kardiya.

Iss Karam Ka Karun Shukr Kaise Adaa
Jo Karam Mujhpe Mere Nabi Kardiya
Mai Sajata Hoon Sarkar Ki Mehfilen
Mujhko Har Gham Se Rab Ne Bari Kardiya.

Girah...
Mai Shukr Kaise Adaa Iss Karam Ka Karun..

Ghame Aashiqi Se Pehle Mujhe Kaun Jaanta Tha
Teri Zaat Ne Banaadi Meri Zindagi Fasana.

Girahh... Pehle Mujhe Kaun Jaanta Tha

Muhabbate Mustafa Se Pehle
Mai Kuch Nahi Tha Mai Kuch Nahi Tha
Karam Ki Iss Inteha Se Pehle
Mai Kuch Nahi Tha Mai Kuch Nahi Tha.

Tere Karam Ke Tasadduq Teri Ataa Ke Nisaar
Mai Kya Tha Aur Mujhe Kya Banadiya Tu Ne.

Shukr Kaise Adaa Iss Karam Ka Karun...

Girah...
Ataa Kiya Mujhko Darde Ulfath
Kahan Thi Ye Pur Khata Ki Qismat
Mai Iss Karam Ke Kahan Tha Qabil
Huzoor Ki Banda Parwari Hai.

Bangayi Baat Unka Karam Hogaya
Shaaqe Naqle Tamanna Hari Hogayi
Mere Lab Pe Muhammad Ka Naam Aagaya
Baithe Baithe Meri Haazri Hogayi.

Khaliq Ne Mujhko Meri Talab Se Siwa Diya
Sarmaya Daara Ishqe Muhammad Banadiya.

Shukr Kaise Adaa Iss Karam Ka Karun....

Sher...
Zikre Sarkar Ki Hai Badi Barkatein
Milgayi Raahatein Azmatein Rifatein
Mai Gunahgar Tha Be Amal Tha Magar
Mustafa Ne Mujhe Jannati Kardiya.

Girah...
Jab Liya Naame Nabi Maine Dua Se Pehle
Hogayi Mujhpe Ataa Meri Khata Se Pehle

Muhammad Mustafa Ka Naam Bhi Kya Isme Aazam Hai
Jahan Koi Na Kaam Aaye Wahan Ye Kaam Aata Hai.

Sher...
Lamha Lamha Hai Mujhpar Nabi Ki Ata
Doston Aur Maangu Mai Maula Se Kya
Kya Ye Kam Hai Ke Mere Khuda Ne Mujhe
Apne Mehboob Ka Ummati Kardiya.

Girah... LAMHA LAMHA
Kamli Waale Ke Karam Ki Baat Hai
Warna Mujh Mangte Ki Kya Auqaat Hai

Jitna Diya Sarkar Ne Mujhko
Utni Meri Auqaat Nahi Hai
Ye To Karam Hai Unka Warna
Mujhme To Koi Baat Nahi Hai.

Kya Ye Kam Hai Bhala....

Girahh...
Gale Me Tauq -E- Ghulami Hai Shaahe Bat'ha Ka
Bhala Ye Kam Hai Nishan Mujhse Be Bishan Ke Liye.

Apni Qismat Pe Kyun Na Naaz Karun
Log Kehte Hain Ghulame Shahe Bat'ha Mujhko.

Mujhe Milgayi Hai Dono Aalam Ki Shaahi
Mera Unke Mangton Me Naam Aagaya Hai.

Manam Adna Sana Khwane Muhammad
Ghulame Az Ghulamane Muhammad.

Ba Sidqo Safa Kasht Bechara Jaami
Ghulame Ghulamane Aale Muhammad.

Sher...
Jo Dare Mustafa Ke Gada Hogaye
Dekhte Dekhte Kya Se Kya Hogaye
Aisi Chashme Karam Ki Hai Sarkar Ne
Dono Aalam Me mujhku Ghani Kardiya.

Jo Bhi Aaya Hai Mehfil Me Sarkar Ki
Haazri Milgayi Jisko Darbar Ki
Koi Siddiq -O- Farooq -O- Usman Hue
Aur Kisi Ko Nabi Ne Ali Kardiya.

Koi Mayoos Lauta Na Darbar Se
Jo Bhi Maanga Mila Mere Sarkar Se
Sadqe Jaaun Niyazi Mai Lajpal Ke
Har Gada Ko Saqi Ne Saqi Kardiya.