Jab Tak Jiyun Mai Aaqa Koi Gham Na Paas Aaye

Kalaam of Owais Raza Quadri

Jab Tak Jiyun Mai Aaqa Koi Gham Na Paas Aaye
Jo Marun To Ho Lahad Par Tere Rehmathon Ke Saaye.

Meri Zindagi Ka Maqsad Ho Ye Kaash Ishqe Ahmed
Mujhe Maut Bhi Jo Aaye Issi Justaju Me Aaye.

Aye Qaza Ne Daale Dere Murjhagaye Hai Sab Bul
Mere Ujhde Baagh Me Phir Aaqa Bahaar Aaye.

Wo Diya Jo Bujhgaya Tha Wo Jo Bujhgayi Thi Soozan
Hua Har Taraf Ujala Jo Huzoor Muskuraye.

Koi Ghaare Saur Me Yoon Ba Zabaane Haal Bole
Na Hataunga Angootha Meri Jaan Agar Che Jaaye.

Maula Ali Ki Taa'at Ke Wo Shaan Allah Allah
Jiske Liye Wo Dooba Suraj Bhi Laut Aaye.

Jise Maara Ho Ghamon Ne Jise Ghera Ho Dukhon Ne
Mera Mashwara Hai Usko Wo Madina Hoke Aaye.

Chali Aandhiyan Ghamon Ki Giri Bijliyan Dukhon Ki
Ye Tera Karam Hai Lekin Ye Qadam Na Dagmagaye.

Dare Yaar Par Pada Hoon Iss Usool Par Gira Hoon
Jo Gira Hua Ho Khud Hi Use Kaun Ab Giraye.

Mai Ghulame Panjatan Hoon Na Samajhna Be Sahara
Mai Hoon Ghouse Ka Diwana Koi Haath To Lagaye.

Koi Tha Na Hai Na Hoga Koi Gham Gusaar Aisa
Jo Lahad Me Bhi Thapakh Kar Ushshaak Ko Sulaaye.

Mujhe Maut Zindagi Mujhe Zindagi Maza De
Jo Kitabe Zindagi Par Mohar Apni Wo Lagaye.

Yehi Aarzu Dili Hai Teri Bazm Me Kisi Din
Ye Tera Ubaid Aaye Tujhe Naat Bhi Sunaaye...