Mustafa Ka Khuda Aur Khud Mustafa

Mustafa Ka Khuda Aur Khud Mustafa

Mustafa Ka Khuda Aur Khud Mustafa
Kyun Kahun Mera Koi Sahara Nahi
Mai Madine Se Lekin Bohot Door Hoon
Ye Khalish Mere Dil Ko Gawara Nahi.

Aapka Ishq Hai Ishqe Rabbul Ulaa
Aapka Zikr Hai Khaas Zikre Khuda
Khud Khuda Ne Ye Quran Me Ailaan Kiya
Jo Tumhara Nahi Wo Hamara Nahi.

Thokaron Ke Siwa Aur Paayega Kya
Jiski Manzil Ka Koi Na Ho Rehnuma
Apni Manzil Pe Hargiz Na Pohonchega Wo
Haath Jiske Daman Tumhara Nahi.

Isme Ahmed Ki Tazeem Ke Munkiron
Unki Azmath Ko Quran Me Dekhlo
Be Laqab Unka Isme Mubarak Kabhi
Unke Mabood Ne Bhi Pukara Nahi.

Aql -E- Jinno Bashar Ka Yahan Zikr Kya
Sidrah Waale Jahan Dang –O- Hairaan Hain
Rif'ate Mustafa Ki Mili Had Kise
Ye Wo Dariya Hai Jiska Kinaara Nahi.

Wohi Rauze Pe Bulwayeinge Ek Din
Aye Sikandar Zara Sabr Se Kaam Le
Unke Dar Ka Gada Aur Mayoos Ho
Mere Sarkar Ko Ye Gawara Nahi.