Jaam Ulfath Ka Pilado Ya Rasool

Kalaam of Owais Raza Quadri

Jaam Ulfath Ka Pilado Ya Rasool
Apna Deewana Banado Ya Rasool.

Meri Qismath Ko Jagado Ya Rasool
Ek Jhalak Apni Dikhado Ya Rasool.

Khwab Me Tashreef Laakar Ek Baar
Deed Ka Sharbat Pilado Ya Rasool.

Aagaya Bimaar Aye Mere Tabeeb
Do Shifa -E- Kamela Do Ya Rasool.

Umr Bhar Teri Sana Khwani Karoon
Har Rukawat Ko Hatado Ya Rasool.

Baqsh Dega Har Khata Meri Khuda
Tum Zara Lab Ko Hilado Ya Rasool.

Chand Ko Ungli Se Mahde Paak Me
Jis Taraf Chaho Jhuka Do Ya Rasool.

Suee Miljaye Andhera Bhi Ho Gar
Tum Jo Aakar Muskura Do Ya Rasool.

Bu Jahal Ke Haath Me Kankar Se Bhi
Chaho To Kalma Padha Do Ya Rasool.

Wo Kabhi Bhi Uth Nahi Sakta Jise
Tum Nigahon Se Gira Do Ya Rasool.

Kar Nahi Sakta Sana Teri Ubaid
Do Saliqa -E- Sana Do Ya Rasool.