Arshe Azeem Raushni Barsa Raha Hai Aaj

Kalaam of Ismail Quadri

Arshe Azeem Raushni Barsa Raha Hai Aaj
Wo Mere Mustafa Ke Qadam Paa Raha Hai Aaj.

Haasil Hui Jo Khidmate Mehboobe Kibriya
Taqdeer Pe Buraaq Bhi Itra Raha Hai Aaj.

Khairul Bashar Ki Azmat -O- Parwaaz Dekh Kar
Baazu -E- Jibraeel Bhi Tharra Raha Hai Aaj.

Tay Ho Rahi Hai Qurbe Ilaahi Ki Manzilein
Har Ek Hijabe Noor Utha Jaa Raha Hai Aaj.

Naate Rasoole Paak Suna Kar Adab Ke Saath
Qalbe Qadeer Saason Ko Mehka Raha Hai Aaj.