Shah Sawaare Karbala Ki Shah Sawari Ko Salaam

Rasme Ushshaq Yehi Hai Ke Wafa Karte Hain
Yaani Har Haal Me Haq Apna Adaa Karte Hain
Hausla Hazrate Shabbir Ka Allah Allah
Sar Juda Hota Hai Aur Shukre Khuda Karte Hain.

Shah Sawaare Karbala Ki Shah Sawari Ko Salaam
Neze Pe Quran Padhne Waale Qaari Ko Salaam.

Raat Din Bichde Huwon Ki Raah Me Rehna Khade
Hazrate Sughra Tumhari Intezaari Ko Salaam.

Sar Se Chadar Chingayi Lekin Nazar Uthi Nahin
Hazrate Zainab Tumhari Parda Daari Ko Salaam.

Muskurake Pesh Teghon Pe Kiya Rangeen Shabaab
Akbar -O- Qasim Tumhari Jaan Nisaari Ko Salaam.

Kaamp Utha Arsh Ka Dil Aasman Tharragaya
Asghar -E- Masoom Teri Beqaraari Ko Salaam.

Katgaya Kumba Musibat Sar Pe Aayi Lutgayi
Hogayi Bhaai Bhatijon Se Judayi Lutgayi
Umr Bhar Ki Daste Ghurbath Me Kamayi Lutgayi
Roke Jab Kehti Thi Zainab Haaye Bhaai Lutgayi
Ghar Ali Ka Kya Luta Saari Khudayi Lutgayi.

Har Imtehaan Me Saabir -O- Shaakir Rahe Hussain
Kohe Alam Uthane Ko Haazir Rahe Hussain.

Dhoke Se Kufiyon Ne Bula Kar Sitham Kiya
Mehman Be Watan Ko Bula Kar Sitham Kiya
Khaima Lagana Nehr Pe Ahmad Ki Aal Ka
Paani Bhi Band Kardiya Zahra Ke Laal Ka.
Laashon ko Bhaanjon Ki Lahu Me Sajaake Laaye
Toote Hue Bahisht Ke Taare Uthake Laaye
Aaya Kisi Ko Paas Na Roohe Rasool Ka
Gul Kardiya Charagh Mazaare Batool Ka.
Aayate Zuljalaal Ke Manzar Garift Me
Arshe Ulaa Zameen Ka Langar Garift Me
Har Maktabe Khayaal Ka Mehwar Garift Me
Neze Pe Sar Hai Aur Hai Mehshar Garift Me

Dastaar Hai Hussain Ke Sar Par Rasool Ki
Thi Maut Bhi Qubool To Aise Qubool Ki.

Chehre Pe Jiske Maula Ali Ka Jalaal Hai
Qabze Me Jiske Bhaai Hasan Ka Kamaal Hai
Mai Kya Kahun Hai Kaun Meri Kya Majaal Hai
Sab Jaante Hain Fatima Zahra Ka Laal Hai

Chehra Rasool Ka Labo Lehja Rasool Ka
Aankhon Me Khich Raha Hai Sarapa Rasool Ka.

Shah Sawaare Karbala Ki Shah Sawari Ko Salaam
Neze Pe Quran Padhne Waale Qaari Ko Salaam.