Sahara Chahiye Sarkar Zindagi Ke Liye

Sahara Chahiye Sarkar Zindagi Ke Liye

Sahara Chahiye Sarkar Zindagi Ke Liye
Tadap Raha Hoon Madine Ki Haazri Ke Liye.

Mere To Aap Hi Sab Kuch Hai Rehmate Aalam
Mai Jee Raha Hoon Zamane Me Aap Hi Ke Liye.

Saba Madine Tu Jaake Nabi Se Kehdena
Taras Rahi Hai Ye Aankhen Teri Gali Ke Liye.

Mere Nabi Sa Nabi Aur Koi Kya Hoga
Jo Jaake Sajde Me Roya Ho Ummati Ke Liye.

Qasam Khuda Ki Nahi Khauf Hamko Mehshar Ka
Rasoole Paak Hai Ham Sab Ki Rehbari Ke Liye.