Wo Abre Karam Barsa Sarkar Ke Sadqe Me

Kalaam of Hazrath Madani Sharfi Sahab (Hafeez)

Wo Abre Karam Barsa Sarkar Ke Sadqe Me
Sairab Hui Duniya Sarkar Ke Sadqe Me.

Bhooka Na Raha Bhooka Sarkar Ke Sadqe Me
Mangte Ka Bhara Kaansa Sarkar Ke Sadqe Me.

Maang Unke Waseele Se Phir Dekhle Deewane
Deta Hai Khuda Kya Kya Sarkar Ke Sadqe Me

Phoolon Me Mehek Aayi Taaron Ne Ziya Paayi
Wo Chand Ka Mu Chamka Sarkar Ke Sadqe Me.

Taiba Ki Ziyarath Ne Taqdeer Jagayi Hai
Allah Ka Ghar Dekha Sarkar Ke Sadqe Me.

Allah Ko Mehshar Me Kis Mu Se Dikhate Mu
Maqbool Hui Tauba Sarkar Ke Sadqe Me.

Ye Shaan Hafeez Apni Unki Hi Badaulat Hai
Irfaan Hua Haq Ka Sarkar Ke Sadqe Me.