Ye Ek Amre Musallim Hai Ye Ek Waazeh Haqiqat Hai

Kalaam of Pasha Miyan

Ye Ek Amre Musallim Hai Ye Ek Waazeh Haqiqat Hai
Hamari Zindagi Kya Hai Faqat Unki Inayath Hai.

Jahan Ko Mujhpe Hone Laggaya Hai Aankh Ka Dhoka
Muhabbath Ke Karishmon Se Fasana Bhi Haqiqath Hai.

Tumhara Naam Lena Aur Tumhari Fikr Me Rehna
Yehi Mera Wazifa Hai Yehi Meri Haqiqath Hai.

Tumhare Gird Phirta Hoon Tumhi Ko Chaahta Hoon Mai
Yehi Meri Tariqath Hai Yehi Meri Shariyath Hai.

Do Aalam Me Mujhe Kis Baat Ka Dar Kaisa Andesha
Mere Sarkar Ki Mujhko Agar Haasil Himayath Hai.

Ye Kaisi Ched Hai Aye Banda Parwar Ek Bebas Se
Kahin Isko Sataate Hain Jo Majboore Muhabbath Hai.

Mubarak Dar Unhi Ko Be Sahara Hain Jo Aye Aarif
Mujhe Kya Fikr Mera Yaar Jab Sar Par Salamath Hai.