Ilhaam Ki Rim Jhim Kahin Baqshish

Ilhaam Ki Rim Jhim Kahin Baqshish

Ilhaam Ki Rim Jhim Kahin Baqshish Ki Ghata Hai.
Ye Dil Ka Nagar Hai Ke Madine Ki Faza Hai.

Saanson Me Mehekti Hai Munajaath Ki Kaliyan
Kaliyon Ke Katoron Pe Tera Naam Likha Hai.

Aayaat Ki Jhurmuth Me Tere Naam Ki Masnad
Lafzon Ki Angoothi Me Nagina Sa Jada Hai.

Ab Aur Bayaan Kya Ho Kisi Se Teri Midhath
Ye Kam To Nahi Hai Ke Tu Mehboobe Khuda Hai.

Ek Baar Tera Naqshe Qadam Choom Liya Tha
Sau Baar Falak Shukr Ke Sajde Me Jhuka Hai.

Khursheed Teri Raah Me Bhatakta Hua Jugnu
Mahtab Tera Reza -E- Naqshe Kafe Paa Hai.

Suraj Ko Ubharne Nahi Deta Tera Habshi
Be Zar Ko Abu Zar Teri Baqshish Ne Kiya Hai.

Aye Gumbade Khazra Ke Makeen Meri Madad Kar
Ya Phir Ye Bata Kaun Mera Tere Siwa Hai.

Baqshish Teri Abru Ki Taraf Dekh Rahi Hai
Mohsin Tere Darbar Me Chup Chaap Khada Hai.