Mere Dil Ki Saari Siyahi Ko Dhode

Kalaam of Shahinshah

Mere Dil Ki Saari Siyahi Ko Dhode
Karam Noore Baaran Savere Savere
Ziya -E- Muhammad Ko Le Aaraha Hai
Wo Mehre Daraqshan Savere Savere.

Jo Thi Raat Bhar Hichkiyan Gham Nahi Hai
Mujhe Iss Se Badkar Khushi Bas Yehi Hai
Wo Behre Karam Poochte Aaye Mujhko
Qiramaan Qiramaan Savere Savere.

Koi Arshe Aazam Se Neeche Utar Kar
Pukara Mujhe Raat Pichli Peher Ko
Nabi Ji Ka Sadqa Bani Meri Bigdi
Mite Mere Isyaan Savere Savere.

Madine Ke Sarkar Ab Aa Bhi Jaao
Dile Muztarib Ko Bhi Surat Dikhao
Tamanna -E- Deedar Me Soraha Hoon
Karo Mushkil Aasan Savere Savere.

Yahin Doob Jaaye Na Mera Safeena
Mujhe Pyare Aaqa Bulalo Madina
Meri Sham'e Hasti Ki Lau Hai Pareshan
Ke Jaise Charaghan Savere Savere.

Kayi Karke Mehnath Bohot Thak Gaye Hain
Bas Ab Pyare Aaqa Karam Mangte Hain
Agar Aap Chahen To Sarkare Aalam
Ho Har Mushkil Aasan Savere Savere.

Thi Ghaflat Mujhe Khwab Lekin Tha Accha
Maze Unki Aaghosh Me Leraha Tha
Karam Tha Shahinshah Magar Muqtasar Sa
Gaye Wo Meherban Savere Savere.