Huzoor Ki Yaad Phir Agar Ho

Kalaam of Layeeq

Huzoor Ki Yaad Phir Agar Ho
To Sar Se Hazir Ghulam Hoga
Nazar Ke Sajdon Ki Nazr Hogi
Durood Hoga Salaam Hoga.

Har Ek Jagah Unke Zere Saaya
Agar Hamara Muqaam Hoga
To Ek Manzil Hai Wo Bhi Jiska
Maqaame Mahmood Naam Hoga.

Raheinge Kausar Pe Jam'a Maikash
Aur Ek Ajab Faize Aam Hoga
Kisi Ke Hisse Me Chashme Saaqi
Kisi Ke Hisse Me Jaam Hoga.

Amal Ki Jis Din Jaza Milegi
Jaza Ka Jab Intezam Hoga
Ajeer Phir Bhi Ajeer Hoga
Ghulam Phir Bhi Ghulam Hoga.

Abhi Wo Chahein To Ek Nazar Me
Hamari Duniya Badal Ke Rakhden
Unhi Pe Ham Sab Ki Hai Nigahein
Unhi Se Poora Ye Kaam Hoga.

Huzoor -E- Aqdas Ke Dar Ke Qaabil
Agar Nahi Sar Kisi Ko Haasil
Nazar Ke Sajdon Ko Kisne Roka
Jabeen Ka Sajda Haraam Hoga.

Kisi Ka Husne Adaaye Jalwa
Hazaar Ho Maaniye Takallum
Nigahe Mushtaq Me To Koi
Niyaaz Aageen Payaam Hoga.

Hamari Jo Kuch Bhi Zindagi Hai
Wo Hamko Ishqe Nabi Ne Dee Hai
Unhi Pe Mar Mar Ke Jeerahe Hain
Unhi Pe Marne Se Kaam Hoga.

Yaqeen Hai Mujhko Ke Waqte Aakhir
Raheinge Baali Pe Shaahe Waala
Fasanaye Hasti -E- Do Roza
Bade Maze Se Tamaam Hoga.

Ghalat Nahi Hai Agar Kahun Mai
Wo Saath Mere Mai Saath Unke
Layeeq Ma'a Man Ahab Ke Farman
Me Kya Kisi Ko Kalaam Hoga.