Hamko Bulaana Ya Rasoolallah

Hamko Bulaana Ya Rasoolallah

Kalaam of Nisar Ali Ujagar

Hamko Bulaana Ya Rasoolallah
Hamko Bulaana Ya Habeeballah. (x6)

Kabhi To Sabz Gumbad Ka Ujaala
Ham Bhi Dekheinge
Hame Bulwayeinge Aaqa Madina
Ham Bhi Dekhenge.

Dhadak Uthega Ye Dil Ya Dhadakna Bhool Jayega
Dile Bismil Ka Uss Dar Par Tamasha Ham Bhi Dekhenge.

Adab Se Haath Baandhe Unke Rauze Par Khade Honge
Sunehri Jaaliyon Ka Yoon Nazara Ham Bhi Dekhenge.
Dare Daulat Se Lautaaya Nahi Jaata Koi Khaali
Wahan Khairaat Ka Batna Khudaya Ham Bhi Dekhenge.

Barasti Gumbade Khazra Se Takraati Hui Boondein
Wahan Par Shaan Se Barish Barasna Ham Bhi Dekhenge.

Guzaare Raat Din Apne Isi Umeed Par Hamne
Kisi Din To Jamaale Rooe Zeba Ham Bhi Dekhenge.

Dame Ruqsath Qadam Man Bharke Ye Mehsoos Karte Hain
Kise Hai Jaake Laut Aane Ka Yaara Ham Bhi Dekhenge.

Pohonch Jayeinge Jis Din Aye Ujagar Unke Qadmon Me
Kise Kehte Hain Jannat Ka Nazaara Ham Bhi Dekhenge.