Mere Aaqa Aao Ke Muddat Hui Hai

Mere Aaqa Aao Ke Muddat Hui Hai

Mere Aaqa Aao Ke Muddat Hui Hai
Teri Raah Me Akhiyan Bichate Bichate
Teri Hasraton Me Teri Chahaton Me
Bade Din Hue Ghar Sajate Sajate.

Mera Ye Hai Imaan Ye Mera Yaqeen Hai
Mere Mustafa Sa Na Koi Haseen Hai
Jo Ruq Unka Dekha Hai Jab Se Qamar Ne
Nikalta Hai Mu Ko Chupate Chupate.

Ye Dil Jab Se Ishqe Nabi Me Pada Hai
Na Din Ki Khabar Hai Na Shab Ka Pata Hai
Ab To Basarat Bhi Kam Hogayi Hai
Tere Gham Me Aansu Bahate Bahate.

Mere Lab Pe Maula Na Koi Sada Hai
Faqat Iss Nikamme Ki Yehi Dua Hai
Meri Saans Nikle Dare Mustafa Pe
Ghame Dil Nabi Ko Sunate Sunate.

Qayamat Ka Manzar Bada Pur Khatar Hai
Magar Mustafa Ka Jo Deewana Hoga
Wo Pul Se Guzar Jayega Wajd Karte
Ye Naara Nabi Ka Lagaate Lagaate.

Ye Maana Ke Ek Din Aani Qaza Hai
Magar Dosto Tumse Ye Ilteja Hai
Ke Shehre Muhammad Ki Har Ek Gali Se
Janaza Uthana Ghumate Ghumate.

Na Kaabe Se Matlab Na Masjid Ki Chahat
Faqat Dil Me Haakim Tamanna Yehi Hai
Jo Mil Jaaye Naqshe Kafe Paa -E- Ahmed
To Marjaun Sar Ko Jhukate Jhukate.