Unka Mangta Hoon Jo Mangta Nahi Hone Dete

Unka Mangta Hoon Jo Mangta Nahi Hone Dete

Unka Mangta Hoon Jo Mangta Nahi Hone Dete
Ye Hawaale Mujhe Ruswa Nahi Hone Dete.

Apne Mangton Ki Wo Fehreest Me Rakhte Hain Mujhe
Mujhko Mohtaj Kisi Ka Nahi Hone Dete.

Mere Har Aib Ki Karte Hain Wo Parda Poshi
Mere Jurmon Ka Tamasha Nahi Hone Dete.

Baat Karta Hoon To Saanson Se Mehek Aati Hai
Mere Lehje Ko Wo Maila Nahi Hone Dete.

Maange Bin Maange Mujhe Itna Ata Karte Hain
Mujhko Mohtaj Kisi Ka Nahi Hone Dete.

Aapki Naat Se Joban Hai Taqayyul Me Mere
Zikr Tere Mujhe Boodha Nahi Hone Dete.

Unki Yaadon Se Nami Rehti Hai Meri Aankhon Me
Meri Dariyaon Ko Sehra Nahi Hone Dete.

Hukm Karte Hain To Milte Hain Ye Maqte Shakir
Aap Na Chahen To Matla Nahi Hone Dete.