Hai Teri Enayaath Ka Ghera Mera Ghar Me

Kalaam of Khalid Mehmood Khalid Sahab

Hai Teri Enayaath Ka Ghera Mera Ghar Me
Sab Tera Hai Kuch Bhi Nahi Mera Mere Ghar Me.

Andaaz Mere Ghar Ke To Kuch Aur Hi Honge
Jis Roz Qadam Aayega Tera Mere Ghar Me.

Darwaze Pe Likha Hai Tera Isme Girami
Aata Nahi Bhoole Se Andhera Mere Ghar Me.

Jaaga Teri Nisbath Se Shabe Gham Ka Muqaddar
Aaya Tere Aane Se Sawera Mere Ghar Me.

Muddath Se Mere Dil Me Hai Armane Ziyarath.
Hojaye Karam Ka Koi Phera Mere Ghar Me.

Khalid Ko Tere Naam Se Tauqeer Mili Hai
Jo Kuch Bhi Hai Ehsaan Hai Tera Mere Ghar Me.