Kyun Na Taarikiye Zulmath Ho Adam Aaj Ki Raat

Kalaam of Hz Khwaja Mahbooballah (Khulq) R.a

Kyun Na Taarikiye Zulmath Ho Adam Aaj Ki Raat
Jalwa Aarah Hua Wo Noore Qidam Aaj Ki Raat.

Hue Paida Wo Shahe Kauno Makaan Qatme Rusul
Sarware Ahle Arab Aur Ajam Aaj Ki Raat.

Jalwaye Noor Hai Le Farsh Se Taa Arshe Bareen
Kya Munawwar Hai Jahan Haq Ki Qasam Aaj Ki Raat.

Gule Gulzaare Risalath Ki Hai Meelad Ki Dhoom
Baaghe Aalam Hai Ajab Rashke Iram Aaj Ki Raat.

Shabe Meelad Se Behtar Hi Nahi Koi Shab
Lailatul Qadr Bhi Hai Qadr Me Kam Aaj Ki Raat.

Nikhate Zulfe Payambar Ka Ho Kya Ham Se Bayaan
Jiss Ki Khushbu Se Muattar Hai Haram Aaj Ki Raat.

Khulq Uss Shafaye Mehshar Ke Tasadduq Se Yaqeen
Hai Ghani Maya -E- Altaaf Se Ham Aaj Ki Raat.