Hasan Ibne Ali Noore Nigaahe Mustafa

Kalaam of Dr Syed Arif Pasha Qadri

Hasan Ibne Ali Noore Nigaahe Mustafa Tum Ho
Shabeehe Mustafa Aur Nayebe Mushkil Kusha Tum Ho.

Tumhe Dekha Hai Jisne Usne Rooe Mustafa Dekha
Wo Aayina Nabi Ka Ho Wo Akse Mustafa Tum Ho.

Nabi Ko Jisne Dekha Usne Goya Haq Ko Dekha Hai
Rasoole Paak Ke Jalwon Ka Kamil Aayina Tum Ho.

Nabi Ke Jisme Anwar Par Sawaari Aapne Ki Hai
Nabi Ke Laadle Mehboobe Shaahe Ambiya Tum Ho.

Ho Sayyad Aise Jin Par Khud Siyaadat Naaz Karti Hai
Nabi Ko Naaz Hai Jispar Wo Mehboobe Khuda Tum Ho.

Khilafath Chor Kar Apni Karaadi Sulha Ummat Me
Samandar Hilm Ke Aur Kaane Tasleem -O- Raza Tum Ho.

Khuda Ke Sher Ke Bete Ho Tum Bhi Sher Ho Haq Ke
Sahara Aarife Bekas Ka Aye Shere Khuda Tum Ho.