Mere Dil Me Hai Yaade Muhammad

Mere Dil Me Hai Yaade Muhammad

Mere Dil Me Hai Yaade Muhammad
Mere Honton Pe Zikre Madina
Taajdare Haram Ke Karam Se
Aagaya Zindagi Ka Qareena.

Mai Ghulame Ghulamane Ahmad
Mai Sage Aastane Muhammad
Qabil -E- Faqr Hai Maut Meri
Qabil -E- Rashk Hai Mera Jeena.

Har Khata Par Meri Chashm Poshi
Har Talab Par Ataaon Ki Baarish
Mujh Gunahgaar Par Kis Qadar Hain
Meherbaan Taajdare Madina.

Dil Shikasta Hai Mera To Kya Gham
Isme Rehte Hain Shaahe Do Aalam
Jabse Mehmaan Hue Hain Wo Dil Me
Dil Mera Bangaya Hai Madina.

Mujhko Toofan Ki Maujon Ka Kya Dar
Wo Guzar Jaayega Rukh Badal Kar
Na Khuda Hain Mere Jab Muhammad
Kaise Doobega Mera Safeena.

Chal Madine Ko Chal Gham Ke Maare
Zindagi Ko Milenge Sahaare
Aagaya Hai Haram Se Bulaawa
Kooch Karte Hain Sooe Madina.

Unki Chashme Karam Ki Ataa Hai
Mere Seene Me Unki Ziya Hai
Yaade Sultane Taiba Ke Sadqe
Mera Seena Hai Misle Nageena.

Daulate Ishq Se Dil Ghani Hai
Meri Qismat Hai Rashke Sikandar
Midhate Mustafa Ki Badaulat
Milgaya Hai Mujhe Ye Khazeena.