Ashkon Ka Meri Aankh Me Toofan

Ashkon Ka Meri Aankh Me Toofan

Ashkon Ka Meri Aankh Me Toofan Utha Ho
Aur Jism Tere Shehr Ki Mitti Se Ataa Ho
Ye Haal Mera Saara Jahan Dekh Raha Ho
Dil Dard Se Bismil Ki Tarah Lot Raha Ho
Seene Pe Tasalli Ko Tera Haath Dhara Ho.

Mujrim Ki Tarah Aapke Qadmon Me Pada Ho
Honthon Pe Faqat Salle Alaa Salle Alaa Ho
Hojaye Agar Aisa To Mat Poochiye Kya Ho
Gar Waqte Ajal Sar Teri Chaukhat Pe Jhuka Ho
Jitni Ho Qaza Ek Hi Sajde Me Ada Ho.

Aamal Hi Dene Lage Jis Waqt Gawahi
Chehre Pe Gunahon Ke Sabab Chaaye Siyahi
Mujrim Ki Agar Aap Karen Pusht Panahi
Dhoonda Hi Karen Sadre Qayamath Ke Sipahi
Wo Kaise Mile Jo Tere Daman Me Chupa Ho.

Jo Chand Ke Tukde Karen Suraj Ko Phira Den
Jo Galiyan Sunkar Bhi Hidayath Ki Dua Den
Ek Doodh Ki Pyaali Me Jo Sattar Ko Pila Den
Mangta To Hai Magta Koi Shahon Me Dikha Den
Jisko Mere Sarkar Se Tukda Na Mila Ho.

Mehboobe Khuda Ahmade Muqthar Kuch Aisa
Hai Hi Wo Yateemon Ka Tarafdaar Kuch Aisa
Yaani Mere Aaqa Ka Hai Darbaar Kuch Aisa
Aata Hai Faqeeron Pe Unhe Pyaar Kuch Aisa
Khud Bheek Den Aur Khud Kahen Mangte Ka Bhala Ho.