Ya Nabi Ham Gunahgaaron Ko

Ya Nabi Ham Gunahgaaron Ko

Ya Nabi Ham Gunahgaaron Ko
Darde Furqat Se Ab Jilaa Dena
Ummati Hain Tumhare Shaahe Umam
Sabz Gumbad Hamein Dikha Dena.

Khaake Taiba Mile Lahad Ke Liye
Kaali Kamli Mile Kafan Ke Liye
Waasta Aapke Nawason Ka
Aisi Qismat Meri Bana Dena.

Door Rehkar Tumhari Chaukhat Se
Ashk Aankhon Se Behte Rehte Hain
Aas Ham Bhi Lagaye Baithe Hain
Deed Ki Pyaas Ab Bujha Dena.

Aap Nabiyon Me Sab Se Aala Hain
Khatm Ek Aap Par Nabuwwat Hain
Ham Faqeeron Ko Ya Rasoolallah
Apni Chaukhat Ka Aasra Dena.

Laaj Rakhna Shahe Zaman Meri
Ilteja Hai Qalbe Ishrath Ki
Meri Hasti Ko Khaake Taiba Me
Ya Rasoole Khuda Milaa Dena.