Khayaale Mustafa Hai Aur Mai Hoon

Kalaam of Raza -ul- Haq

Khayaale Mustafa Hai Aur Mai Hoon
Koi Aalam Naya Hai Aur Mai Hoon.

Mere Peshe Nazar Wo Naqshe Paa Hai
Anokha Rehnuma Hai Aur Mai Hoon.

Kisi Ke Aks Par Dhoka Hai Mera
Kisi Ka Aayina Hai Aur Mai Hoon.

Mujhe Dekha Mere Andar To Dekho
Koi Mujhme Chupa Hai Aur Mai Hoon.

Ye Jannat Hai Ke Arze Paak -E- Taiba
Ajab Aab -O- Hawa Hai Aur Mai Hoon.

Sarapa Gosh Rehta Hai Tasawwur
Sadaye Be Sada Hai Aur Mai Hoon.

Lapak Shoron Ki Thi Jiska Har Ek Shai
Wohi Naate Raza Hai Aur Mai Hoon.