Sayyade Kul Bhi Hain Aur Ahmade Muqthar Bhi Hain

Kalaam of Layeeq

Sayyade Kul Bhi Hain Aur Ahmade Muqthar Bhi Hain
Aap Kaunain Ke Aaqa Bhi Hain Sardaar Bhi Hain.

Saari Ummat Pe Hai Uss Rehmate Aalam Ki Nazar
Isme Abraar Bhi Hain Aur Gunahgaar Bhi Hain.

Unki Kamli Me Nahin Kiske Liye Jaaye Panaah
Wo To Har Ek Ke Shafeh Bhi Hai Gham Khaar Bhi Hain.

Ho Hi Jaana Hai Zara Kaife Mae Hubbe Nabi
Uske Khoye Hue Aalam Se Khabardaar Bhi Hain.

Kya Tamasha Hai Muhabbath Ke Parastaaron ka
Wo Maseeha -E- Zamana Bhi Hai Beemar Bhi Hain.

Kuch Ajab Ishqe Nabi Ne Hame Baqsha Aijaaz
Haq Ke Matloob Bhi Hai Aur Talabgaar Bhi Hain.

Zehmat -E- Jalwa Idhar Bhi Kabhi Aye Husne Maleeh
Aarzu Me Teri Kuch Aur Namak Khwar Bhi Hain.

Aye Kareem Ibne Kareem Ibne Kareem Ibne Kareem
Ham Tere Dar Ke Bhikari Bhi Hain Haqdaar Bhi Hain.

Fikr Farda Mujhe Kyun Ho Ke Himayath Ke Layeeq
Ghouse Aazam Bhi Hain Sarkaron Ke Sarkar Bhi Hain.